Sunnudagur

Rólegur sunnudagur í dag, bræla úti svo ekki er farið á sjóinn. 3ji dagur í vinnu í dag og 6 dagar eftir í þessari vinnutörn og strax steinrotaðist ég í gær þegar ég kom heim og lagðist á koddann! Fórum í kjötsúpu til tengdó í gær og fékk eitt stykki klippingu í leiðinni...very nice og Daði reyndar líka. Fínt bara að ljúka þessu af við eldhúsborðið þarna í gær, er búin að vera á leiðinni í 100 ár!

Jebb 90 DAYS TO BABY...rólegur tími að fljúga í burtu! Vigtin náði nýjum hæðum í morgun! búin að þyngjast núna um 6-7 kg og enn eru 3 mánuðir eftir. Mér finnst ég ekki geta stækkað meira, fannst eins og skinnið á mér væri að rifna í gær ef ég var eitthvað að teygja mig of mikið. Sem betur fer samt eru engin slit ennþá búin að líta dagsins ljós 7-9-13.

Matarlystin er líka farin að aukast heldur betur, nokkrum mínútum eftir að ég var búin að borða hádegismatinn í dag var ég strax farin að hugsa um eitthvað annað að borða þó ég væri að springa.

Litla sparkar og sparkar og hreyfir sig og hikstar á fullu, alltaf jafn krúttlegt, nema þegar hún sparkar í pissublöðruna. 

Það á eftir að vera mjög skrítið þegar meðgangan er búin að hafa enga óléttubumbu eða lítið kríli inní sér sparkandi, því þetta er orðið svo eðlilegt. Maður fer að hafa áhyggjur þegar hún er ekki búið að hreyfa sig í smá tíma, það á eftir að taka tíma að venjast þegar þessu er lokið að hafa engar hreyfingar inní sér eða spörk og læti.

Svo er bumbuhópa hittingur í kvöld, alltaf gaman að hitta þær og tala bumbumál, og þar verður sko nóg af kökum og kræsingum þar sem margar svangar óléttur munu hittast. Getið rétt ýmindað ykkur :)

Vika 27 Check

27 vikur DONE!

Það má sko með sanni segja að bumban hafi tekið kipp núna, er bara hissa að sjá þessa mynd hér fyrir ofan hvað bumban er orðin STÓR! Maggi sagði líka við mig í gær að hann væri í fyrsta skipti í gær að loksins sjá það að ég væri ólétt, og það var aftur sagt við mig í morgun hvað ég væri orðin myndarleg, en svo kom annar og sagði að það sæist nú ekkert á mér!!whuuut er ég venjulega svona feit bara ??? uss

Litla byrjaði að sparka í rifbeinin á mér í vikunni, og hún er sérstaklega dugleg í því ef ég sit ekki nógu bein í baki, þá er bara sparkað og maður beðinn um að sitja bein í baki væntanlega :)

Bakflæðið alveg að gera útaf við mig suma daga!

Bakverkurinn hefur ekki látið sjá sig aftur nema einstaka sinnum á nóttunni en svo hverfur það bara aftur daginn eftir sem mér finnst rosalega skrítið. Svo snúningslakið er besti vinur minn á nóttunni núna, snilldar uppgvötun sem það hefur verið!

Úff best að poppa einni Rennie í þessum skrifuðu orðum, litlar er líka á fullu að sparka, maginn á mér gengur í bylgjum hér. Sit hér í vinnunni í rólegheitunum, ballið fer að byrja eftir 15 mín, komnir nú þegar 142 manns sem ætla í Hvalaskoðun kl 13 :) Er farin að taka eftir því líka að túristarnir líta beint á bumbuna á mér þegar þeir koma inn, thjaa eða sumir einn kom nú bara með bjór í gær og ætlaði að gefa mér en afþakkaði pent :)

Ég fékk smá bakþanka í dag um 3D sónar, vorum búin að ákveða að fara ekki, en núna eru allar í bumbuhópnum að tapa sér úr gleði eftir að þær koma úr 3D sónar og þetta var bara það besta sem þær hafa séð...!! ohh what to dooooo????

Vika 27

 

26 vikur í dag og vaknaði með þessa svaka bumbu!

Sem þýðir að vika 27 hefst á morgun og þar með þriðji hluti meðgöngunar! jæks

VIKA 27

Móðir: 

• Nú þyngist þú reglulega alveg fram að viku 36. Ómæ er búin að þyngjast um 5-6 kg nú þegar!
• Í lok þessarar viku gætiru upplifað öndunarerfiðleika þar sem legið liggur nú þétt að rifbeinunum og lungun hafa ekki nógu mikið pláss
• Legið þenst út
• Hreyfigeta minnkar - mörgæsalabb :)
• Mundu að drekka vel af vatni og hafa fætur uppá stól þegar þú situr getur verið gott

Barn: 

• Þyngd barnsins er nú 1 kg og hæð þess er 34cm. Hvar kemst það fyrir eiginlega??
• Augnlok barnsins geta nú opnast og lokast
• Hikstar. Ójá hún er sko farin að hiksta heldur mikið og er langt síðan
• Gerir öndunaræfingar
• Safnar holdi

Þannig er nú það, trúi varla að ég sé komin svona langt! Samt er heill hellingur eftir.

Annars bara líður mér rosa vel og allt gengur sinn vanagang nema að fötin eru farin að verða aaaaðeins þrengri.

Í gær fór ég sykurþolspróf, er að taka þátt í rannsókn um sykursýki á meðgöngu og vantaði þeim "fit" óléttar stelpur til að vega uppá móti og græði ég 30 mín sónar á þessu þegar ég er komin 36 vikur. Svo það var helsta ástæðan að ég nennti þessu :)

Fór semsagt niður á spítala í gær til að láta dæla úr mér blóði, mætti kl 8 og ég var þarna ásamt þessari svaka frekju, tælenskri stelpu hún var nú samt ekki í þessari rannsókn. Hún talaði hvorki íslensku né ensku og skildi ekkert, hún skildi varla hvað hún væri að gera þarna.

Þetta tók svona ca 2 klst og 30 mín og vorum við í biluðum lazyboy stólum inní pínkuponsu herbergi. Ég var undirbúin og tók bók með mér en tælendingurinn hélt að þetta myndi taka 2 mín og var ekkert undirbúin og var allan tímann að reyna tala eitthvað við mig og ég skildi EKKERT!!! og svo var hún alltaf á stólnum mínum og jesús var að farast úr pirring á henni.

Tælendingur: Edu badda húsa núna?
Ég: er að lesa og lít upp til hennar og bara ha?
Tæl: Edu húsa bada kaski ekki?
Ég: hmm ég skil ekki?
Tæl: hehehe ekki húsa!
Ég: Veitiggi! og held áfram að lesa.

1 mínúta líður

Tælendingur: lítid badda þadda og snertir á mér magann!
Ég: ég að lesa og lít upp uuu já þarna er lítið barn
Tæl: nei 7 lita núna nomber
Ég: HA?
Tæl: ég 1 ár og 5 ár í ísland og tala ítlantka
Ég: já vá dugleg! ?? (uuu what the hugsa ég og held áfram að lesa)
Tæl: tala bada nuna 8 og svo hættir hún því hún sér að ég hef ekki áhuga á að tala við hana,

3 sek seinna byrjar hún aftur með nýjar setningar!! og þessu hætti hún ekki!! hún tók samt smá pásur inná milli meðan hún var að reyna leggja sig GAHHHHH!!

Hér á myndunum er þetta fína herbergi sem við vorum í og leiðindar gellan þarna á stólnum mínum og var alltaf að setja tærnar á sér í blöðin þarna á borðinu..ojts

Það var tekið úr okkur blóð 3 sinnum á klukkutíma fresti og átti ég að fasta frá miðnætti daginn áður, svo var þetta loks búið, fór heim og var ekkert smá þreytt, settist uppí sófa áður en ég ætlaði að fá mér að borða og steinsofnaði en kannski bara svona í hálftíma og ég vaknaði aftur i þessu svakalega svitabaði með svaka skjálfta...ÚPS enda hljóp ég til að borða allt sem ég fann! Litla kannski ekki alveg sátt með mig þarna!

Úff búin að pústa núna :) Bless

101

Er komin 25 vikur og 4 daga í dag, sem þýðir 101 DAGAR í DUE DAY!! Allt gengur rosa vel, fór í mæðraskoðun í gær og allt leit rosa vel út. Orðið eðlilegt var punktað niður allstaðar, eina var að ég er með kannski dáldið litla kúlu, surprise surprise. Hún mældist 21cm en ætti að vera 25cm, þ.e.a.s legbotninn :) svona fyrir ykkur sem vitið hvað það er :) Litla gerði ekki annað en að sparka í tækið þegar ljósan ætlaði að reyna finna hjartsláttinn, var heillengi að reyna finna hann fyrir öllum spörkunum en svo fann hún loks þennan flotta hjartslátt :) 

Annars er svo lítið að frétta að ég tók myndir af leiðinni minni í mat og af hádegismatnum sem var á boðstólnum í dag í vinnunni. Kveðja ég og lilla sem getur ekki hætt að sparka í mig! :)

Ástfangin....

....af buxum!! :) Fór í dag í "Tvö Líf" að kíkja á preggóbuxur. Fór semsagt á bumbuhitting í gær, mættum þar 10 saman og það var mjög gaman hjá okkur, við vorum svo lengi að við fórum út nánast með starfsmönnunum þegar þær voru búnar að loka, því við sátum svo lengi. En allavega þar voru 2 stelpur að tala um þessar æææðislegu buxur og ég ákvað að fara og kíkja. Og jább þær höfðu rétt fyrir sér, fann einar sem ég ætla aldrei að fara úr :) þvílíkur munur að komast í óléttubuxur! Vildi að ég hefði verið löngu búin að gera þetta :) þó að það sé líka alltaf þægilegt að vera bara í leggings!

En áður en ég fór þangað þurfti ég að kíkja í rúmfatalagerinn og ég labbaði þangað inn heldur betur töff á því!! Þegar ég var búin að ganga allt bílastæðið og komin inní búðina þá var ég að pæla hvað þetta væri eiginlega að þvælast fyrir mér í löppunum á mér. Þá var þar bara peysa sem hékk útúr úlpunni minni niður á hné, eða bara önnur ermin!! Great! Fór nebblilega úr úlpunni og peysunni á sama tíma í gær svo þær voru svona fastar saman. Svo í dag fór ég í aðra peysu, smellti mér í úlpuna og dró hina peysuna á eftir mér..CLASSY!!

Skráði mig líka á tvö námskeið í dag! Ákvað að sparka í rassinn á mér áður en það verður fullt á þau, þetta eru æsispennandi námskeið ; Fræðsla um Brjóstagjöf og svo undirbúningur fæðingar þar sem ég fékk seinasta plássið!

Hér er svo ein bumbumynd 4 mánuðir - 5 mánuðir - 6 mánuðir

 úff trúi varla að ég sé að setja þetta hér inn!

bloggí blogg

Jæja ætli maður þurfi ekki að blogga ef maður ætlar að halda uppi bloggsíðu ? :)

Var í vaktarfríi í dag og dagurinn gat ekki verið fallegri, fullkomið haustveður!!

Ég ákvað líka að vera dáldið myndarleg og baka kökur! Jebb mjög svo góðar ef ég segji sjálf frá, og fór með nokkrar til Ósk og Albert sem voru í nýju fínu íbúðinni sem þau voru að fjárfesta í. Ekki veitti af að koma með smá orku til verkamannanna sem sátu sveittir að gera upp íbúðina. 

Nomm nomm :)

Litla daman hefur það bara gott, lætur vita af sér regulega og allir verkir allt það er bara hætt. Ég hringdi í ljósuna fyrir svona viku því þá var ég bara að drepast í bakinu og í mjöðmunum og niður í lappir. Hún sagði mér að fara til læknis og fékk ég tíma í dag sem ég reyndar afpantaði því næstum leið og ég lagði á ljósuna eftir að hafa talað við hana, þá bara hættu allir verkir!! weird right?? Hef EKKERT fundið til og ég sem var að deyja úr verkjum og gat varla hreyft mig á kvöldin reglulega í allavega 2 mánuði áður en ég LOKSINS hringdi.

Svo suma daga, gleymi ég næstum að ég sé ólétt! En bumban fer þó stækkandi. Daði er líka rosalega duglegur að spjalla við litlu stelpuna sína. 

Hér er hann að reyna hlusta á hjartsláttinn hennar, því í einu iphone pregnant appinu var sagt að hægt væri að heyra hjartsláttinn á 24 viku ef allt væri hljótt og maður myndi einbeita sér að hlusta. Þarna lá hann heillengi :)

 Við kíktum aðra helgina í röð í sveitina um helgina í réttir, og þessi mynd lýsir helginni dáldið vel

BEFORE AND AFTER :)

Þeir félagar hafa örugglega spjallað saman um litaval á fötunum sínum áður en við lögðum af stað.

Hér eru nokkrar myndir frá helginni, tók þó næstum engar. En nú er ég hætt að vera svona léleg að blogga!

    

     

BEST Í SVEITINNI!!!

Myndablogg

Fyrsti snjórinn mætti uppí Esju í gær ásamt hávaða roki og bandbrjáluðum bil, Halló vetur!!

Við bumba sitjum hér í kósýheitunum að hlusta á nýja "the xx" diskinn, og hljómar hann mjög vel í eyrum okkar beggja, svona miðað við spörkin allavega. Nema hún sé að mótmæla :) Pabbinn fór að keppa í íshokkí svo við ætlum að dúlla okkur við að skoða og setja inn myndir frá kósý helginni sem við áttum uppí sveit. Fórum í laxveiði, réttir og týndum allavega 15 lítra af berjum. Komum sko heim með björg í bú:)

     

Daði, bróðir Daða og pabbi þeirra og lúlli vinur þeirra áttu helgarhollið í ánni alla helgina. Ég ákvað að sýna þeim hvernig ætti að fara að því að veiða lax og var ekki fyrr búin að setja öngulinn ofan í ánna þegar laxinn beit á!...hahaha ahh það var algjör snilld að ná fyrsta laxinum ;)

    

Amma þarna á kafi inní runna að ná bestu berjunum :)

Marinó var að moka skít og ekki veitti af að smúla hann frá toppi til táar eftir það

Kveðja, VIÐ